ЗАДАЧЫ:
ажыццяўленне дзяржаўнай статыстычнай дзейнасці з выкананнем прынцыпаў дзяржаўнай статыстыкі па статыстыцы гандлю;
задавальненне патрэбы грамадства, дзяржавы ў афіцыйнай статыстычнай інфармацыі па статыстыцы гандлю.
ФУНКЦЫІ:
прымаць удзел у распрацоўцы праектаў стратэгіі развіцця дзяржаўнай статыстыкі і праграмы статыстычных работ
ва ўстаноўленым парадку ўносіць у Белстат прапановы па ўдасканальванні афіцыйнай статыстычнай метадалогіі для арганізацыі і правядзення цэнтралізаваных дзяржаўных статыстычных назіранняў і фарміравання афіцыйнай статыстычнай інфармацыі па статыстыцы гандлю.
арганізоўваць і праводзіць цэнтралізаваныя дзяржаўныя статыстычныя назіранні па статыстыцы гандлю;
праводзіць работу па забеспячэнні рэспандэнтаў на бязвыплатнай аснове бланкамі формаў цэнтралізаваных дзяржаўных статыстычных назіранняў па статыстыцы гандлю, указаннямі па іх запаўненню ў колькасці, неабходнай для іх прадстаўлення на папяровым носьбіце па адрасах, указаных у гэтых формах, і (або) прадстаўляць рэспандэнтам доступ да спецыялізаванага праграмнага забеспячэння для складання і прадстаўлення форм цэнтралізаваных дзяржаўных статыстычных назіранняў у выглядзе электроннага дакумента;
ажыццяўляць метадалагічнае кіраўніцтва арганізацыяй і правядзеннем цэнтралізаваных дзяржаўных статыстычных назіранняў па статыстыцы гандлю;
даваць неабходныя растлумачэнні аб выкарыстанні метадалогіі фарміравання афіцыйнай статыстычнай інфармацыі і неабходную інфармацыю аб агульных змяненнях у статыстыцы гандлю ў сродках масавай інфармацыі;
забяспечваць:
роўны доступ карыстальнікаў да афіцыйнай статыстычнай інфармацыі і метадалогіі яе фарміравання;
вядзенне баз (банкаў) дадзеных афіцыйнай статыстычнай інфармацыі па статыстыцы гандлю;
канфідэнцыяльнасць першасных статыстычных дадзеных па статыстыцы гандлю і іх выкарыстанне ў мэтах выканання задач дзяржаўнай статыстыкі;
прымяненне адзіных стандартаў у выкарыстанні інфармацыйных тэхналогій і агульнадзяржаўных класіфікатараў тэхніка-эканамічнай і сацыяльнай інфармацыі, якія выкарыстоўваюцца ў дзяржаўнай статыстычнай дзейнасці;
захаванасць інфармацыі, распаўсюджванне і (або) прадстаўленне якой абмежавана;
фарміраваць афіцыйную статыстычную інфармацыю;
падрыхтоўваць і ўносіць ва ўстаноўленым парадку на разгляд калегіі Галоўнага статыстычнага ўпраўлення Мінскай вобласці (далей – Галоўнае ўпраўленне) матэрыялы па пытаннях, якія ўваходзяць у кампетэнцыю аддзела;
ва ўстаноўленым парадку разглядаць звароты грамадзян, а таксама юрыдычных асоб па пытаннях, якія ўваходзяць у кампетэнцыю аддзела;
падрыхтоўваць і прадстаўляць аддзелу зводнай інфармацыі Галоўнага ўпраўлення для падвядзення вынікаў работы аддзелаў статыстыкі ў раёнах Мінскай вобласці матэрыялы, якія характарызуюць іх работу па статыстыцы гандлю;
падрыхтоўваць заўвагі аддзелам статыстыкі ў раёнах Мінскай вобласці па якасці і тэрмінах прадстаўлення статыстычнай інфармацыі, праведзеных праверках дакладнасці першасных статыстычных дадзеных па статыстыцы гандлю;
выконваць іншыя абавязкі ў адпаведнасці з заканадаўствам.
© Нацыянальны статыстычны камітэт Рэспублікі Беларусь. Пры выкарыстанні інфармацыі спасылка на Нацыянальны статыстычны камітэт Рэспублікі Беларусь з'яўляецца абавязковай.