Задачы і функцыі аддзела зводнай інфармацыі

ЗАДАЧЫ:

ажыццяўленне дзяржаўнай статыстычнай дзейнасці з выкананнем прынцыпаў дзяржаўнай статыстыкі на аснове афіцыйнай статыстычнай метадалогіі;

падрыхтоўка для прадстаўлення ва ўстаноўленым парадку афіцыйнай статыстычнай інфармацыі выканаўчым і распарадчым органам вобласці, абласному Савету дэпутатаў, тэрытарыяльным органам дзяржаўнага кіравання і іншым дзяржаўным арганізацыям;

падрыхтоўка для распаўсюджвання афіцыйнай статыстычнай інфармацыі ў выглядзе экспрэс-інфармацыі, дакладаў, статыстычных зборнікаў, даведнікаў і бюлетэняў;

планаванне статыстычных работ Галоўнага статыстычнага ўпраўлення Мінскай вобласці (далей – Галоўнае ўпраўленне);

каардынацыя работ па арганізацыі дзяржаўных статычных назіранняў;

арганізацыя і каардынацыя работы па правядзенні праверак структурных падраздзяленняў Галоўнага ўпраўлення па выкананні Закона Рэспублікі Беларусь «Аб дзяржаўнай статыстыцы»;

каардынацыя работы галіновых аддзелаў Галоўнага ўпраўлення і аддзелаў статыстыкі ў раёнах па вядзенні адміністрацыйных працэсаў па фактах скажэння, несвоечасовага прадстаўлення або непрадстаўлення дзяржаўнай статыстычнай справаздачнасці;

арганізацыя і каардынацыя работ, падрыхтоўка матэрыялаў па падвядзенні вынікаў работы Галоўнага ўпраўлення;

каардынацыя работы па правядзенні Галоўным ўпраўленнем праверак дакладнасці першасных статыстычных дадзеных;

агульная каардынацыя дзейнасці галіновых аддзелаў Галоўнага ўпраўлення і аддзелаў статыстыкі ў раёнах па рабоце са сродкамі масавай інфармацыі (далей – СМІ).

ФУНКЦЫІ:

падрыхтоўваць афіцыйную статыстычную інфармацыю для забеспячэння карыстальнікаў у парадку, устаноўленым заканадаўствам;

каардынаваць работу структурных падраздзяленняў Галоўнага ўпраўлення па падрыхтоўцы і распаўсюджванні афіцыйнай статыстычнай інфармацыі ў выглядзе дакладаў, бюлетэняў і экспрэс-інфармацыі;

ажыццяўляць сумесна са структурнымі падраздзяленнямі Галоўнага ўпраўлення падрыхтоўку афіцыйнай статыстычнай інфармацыі аб ходзе выканання кароткатэрміновых і доўгатэрміновых праграм і прагнозаў сацыяльна-эканамічнага развіцця вобласці;

забяспечваць:

вядзенне базы гатовых дакументаў у якасці каардынатара даннага віду работ;

канфідэнцыяльнасць першасных статыстычных дадзеных і іх выкарыстанне ў мэтах выканання задач дзяржаўнай статыстыкі;

прымяненне адзіных стандартаў у выкарыстанні інфармацыйных тэхналогій і агульнадзяржаўных класіфікатараў, якія выкарыстоўваюцца ў дзяржаўнай статыстычнай дзейнасці;

захаванасць інфармацыі, распаўсюджванне і (або) прадстаўленне якой абмежавана;

вядзенне кнігі ўліку выдадзеных прадпісанняў на правядзенне праверак дакладнасці першасных статыстычных дадзеных;

вядзенне журнала ўліку паведамленняў аб правядзенні праверак дакладнасці першасных статыстычных дадзеных;

вядзенне журнала рэгістрацыі адміністрацыйных правапарушэнняў;

вядзенне базы дадзеных адзінай дзяржаўнай сістэмы рэгістрацыі і ўліку правапарушэнняў, ажыццяўляць перадачу звестак аб адміністрацыйных правапарушэннях у інфармацыйна-аналітычнае ўпраўленне УУС Мінскага аблвыканкама па форме 1-АП «Картка аб адміністрацыйным правапарушэнні»;

размяшчэнне звестак для грамадзян і юрыдычных асоб аб рабоце Галоўнага ўпраўлення на інфармацыйным стэндзе;

прыём звестак ад грамадзян і прадстаўнікоў юрыдычных асоб па «гарачай лініі», «тэлефону даверу», «прамой тэлефоннай лініі»;

ажыццяўляць:

падрыхтоўку рэестра рассылкі афіцыйнай статыстычнай інфармацыі;

распрацоўку табеля форм дзяржаўнай статыстычнай справаздачнасці для Галоўнага ўпраўлення;

вядзенне ўліку дадзеных аб згодзе рэспандэнтаў на распаўсюджванне інфармацыі;

кантроль за вядзеннем спісаў рэспандэнтаў, якія дапусцілі парушэння справаздачнай дысцыпліны;

забяспечваць кантроль за выкананнем праграмы статыстычных работ і вытворчага плана статыстычных работ на год, распрацаваных Белстатом;

падрыхтоўваць:

графік правядзення семінараў з рэспандэнтамі па стварэнні і прадстаўленні форм дзяржаўных статыстычных назіранняў на паўгоддзе;

справаздача аб выкананні графікаў правядзення семінараў з рэспандэнтамі па стварэнні і прадстаўленні форм дзяржаўных статыстычных назіранняў за год;

графік правядзення нарад са спецыялістамі аддзелаў статыстыкі раёнаў на паўгоддзе;

справаздача аб выкананні графіка правядзення нарад са спецыялістамі аддзелаў статыстыкі раёнаў за год;

распрацоўваць план правядзення праверак структурных падраздзяленняў Галоўнага ўпраўлення па выкананні Закона Рэспублікі Беларусь «Аб дзяржаўнай статыстыцы» на год;

распрацоўваць планы падрыхтоўкі аналітычных матэрыялаў;

арганізоўваць, каардынаваць і ажыццяўляць работу па падрыхтоўцы для Белстата прапаноў па ўдасканальванні форм цэнтралізаваных дзяржаўных статыстычных назіранняў, указанняў па іх запаўненні, інструкцый па арганізацыі і правядзенню дзяржаўных статыстычных назіранняў;

даваць рэспандэнтам неабходныя растлумачэнні аб парадку і пераліку форм цэнтралізаваных дзяржаўных статыстычных назіранняў, якія прадстаўляюцца ў органы дзяржаўнай статыстыкі;

штоквартальна арганізоўваць, каардынаваць і ажыццяўляць работу па падвядзенні вынікаў работы Галоўнага ўпраўлення, ажыццяўляць падрыхтоўку адпаведных матэрыялаў;

распрацоўваць план праверак дакладнасці першасных статыстычных дадзеных, якія праводзяцца Галоўным ўпраўленнем;

ажыццяўляць вядзенне і актуалізацыю інфармацыйна-даведачнай сістэмы «Праверка»;

ажыццяўляць кантроль выканання планаў аналітычных і праверачных работ, планаў-графікаў статыстычных матэрыялаў для СМІ;

весці адміністрацыйныя працэсы па фактах несвоечасовага прадстаўлення або непрадстаўлення дзяржаўнай статыстычнай справаздачнасці рэспандэнтамі ў адрас Галоўнага ўпраўлення;

падрыхтоўваць і ўносіць ва ўстаноўленым парадку на разгляд калегіі Галоўнага ўпраўлення матэрыялы па пытаннях, якія ўваходзяць у кампетэнцыю аддзела;

ва ўстаноўленым парадку разглядаць звароты грамадзян, у тым ліку індывідуальных прадпрымальнікаў, а таксама юрыдычных асоб па пытаннях, якія ўваходзяць у кампетэнцыю аддзела;

забяспечваць узаемадзеянне Галоўнага ўпраўлення са СМІ;

арганізоўваць асвятленне ў СМІ пытанняў, якія ўваходзяць у кампетэнцыю Галоўнага ўпраўлення;

арганізоўваць сумесна са структурнымі падраздзяленнямі Галоўнага ўпраўлення падрыхтоўку і прадстаўленне афіцыйнай статыстычнай інфармацыі, прызначанай для апублікавання ў СМІ;

каардынаваць работы па інфармацыйным змесце інтэрнэт-сайта Галоўнага ўпраўлення;

выконваць іншыя абавязкі ў адпаведнасці з заканадаўствам.

Версія для друку

© Нацыянальны статыстычны камітэт Рэспублікі Беларусь. Пры выкарыстанні інфармацыі спасылка на Нацыянальны статыстычны камітэт Рэспублікі Беларусь з'яўляецца абавязковай.