Аб асноўных эканамічных паказчыках дзейнасці арганізацый малога і сярэдняга прадпрымальніцтва і індывідуальных прадпрымальнікаў Мiнскай вобласцi за 2025 год

На 1 студзеня 2026 г. у Мінскай вобласці дзейнічала 21,9 тыс. арганізацый малога і сярэдняга прадпрымальніцтва, у тым ліку 21,5 тыс. малых арганізацый (98% ад агульнай колькасці арганізацый малога і сярэдняга прадпрымальніцтва), 0,4 тыс. сярэдніх арганізацый (2%), і 33,8 тыс. індывідуальных прадпрымальнікаў.

Найбольш распаўсюджанымі сферамі эканамічнай дзейнасці арганізацый малога і сярэдняга прадпрымальніцтва і індывідуальных прадпрымальнікаў з’яўляліся:

аптовы і рознічны гандаль; рамонт аўтамабіляў і матацыклаў (33,5% ад іх агульнай колькасці);

транспартная дзейнасць, складзіраванне, паштовая і кур'ерская дзейнасць (14,7%);

прамысловасць (11,6%);

будаўніцтва (8,8%);

прафесійная, навуковая і тэхнічная дзейнасць (6,2%).